திணிக்கப்படாத கவர்ச்சியில் மீனாட்சி!
அகம் புறம் படத்தில் மீனாட்சி கவர்ச்சிகரமாக நடித்துள்ளாராம். ஆனால் இந்தக் கவர்ச்சி காட்சிகள் திணிக்கப்படவில்லை என்கிறார் இயக்குநர் திருமலை.
தீ நகர் படத்தை இயக்கியவர்தான் திருமலை. இப்போது அகம் புறம் படத்தை இயக்கிக் கொண்டிருக்கிறார். நாயகனாக ஷாமும், நாயகியாக மீனாட்சியும் நடிக்கின்றனர்.
ஆக்ஷன் பரபரப்புடன், கவர்ச்சிக் கலகலப்பும் நீக்கமற நிறைந்திருக்கிறதாம் படத்தில். மீனாட்சி இப்படத்திலும் கவர்ச்சிகரமாக நடித்துள்ளாராம். வித்தியாசமான கதைக் களத்துடன் தீ நகரில் அதிரடியாக புகுந்த திருமலை அகம் புறத்திலும் ஒரு வித்தியாசமான கதையுடன்தான் வருகிறாராம்.
படத்தில் மீனாட்சியின் பங்கு குறித்து திருமலை கூறுகையில்,
ராஜாதிராஜா படத்துக்குப்பின் கிளாமர் வேண்டாம் என முடிவெடுத்திருந்திருந்தார் மீனாட்சி. ஆனால், இந்தக் கதையைக் கேட்டதும் இன்வால்வ் ஆகி விட்டார்.
இதில் கிளாமரும் இருக்கிறது, வித்தியாசமான பாத்திரத்தில் வருகிறார் மீனாட்சி. அவரது வேடம் அனைவரையும் கவரும்.
கவர்ச்சிக் காட்சிகள் இதில் இயல்பாக வரும். எதுவும் திணிக்கப்படவில்லை. நயனதாரா, பில்லாவில் வந்தாரே, அதுபோல என்று கூறலாம் என்றார் திருமலை.
ஆனால் படத்தில் பாலிவுன் காஷ்மீரா ஷா, மேகா ஜான் ஆகியோர் பாடல்களுக்கு செமத்தியான ஆட்டம் போட்டுள்ளனராம். அது போக ஹோட்டல் டான்ஸ் உள்ளிட்ட குஜால் காட்சிகளும் இருக்கிறதாம்.
சுந்தர்.சி. பாபுவின் இசையில் உருவாகி வரும் அகம் புறம், அனைத்துத் தரப்பினரையும் திருப்திப்படுத்தும் வகையில் இருக்குமாம்.
Link to this page
